Þægileg hjálparforrit

• Gnuplot er frjálst og þægilegt forrit fyrir grafík og er til fyrir flest stýrikerfi. Það er tilvalið fyrir línurit í skýrslum og vinnubókum í verklegu. Nokkrar upplýsingar um gnuplot á íslensku (HTML), og ítarlegar upplýsingar á vefnum á ensku um gnuplot.
• Verkfræði- og raunvísindadeild ásamt Reiknistofnun bjóða upp á MatLab, sem er gott fyrir stutta tölulega reikninga og grafík.
• Octave er frjálst forrit fyrir stutta tölulega reikninga með svipaðri málfræði og MatLab.
• Maxima: Frjálst (GPL) algebruforrit fyrir öll stýrikerfi. Maxima er byggt á Macsyma sem smíðað var í MIT upp úr miðjum 7. áratug síðustu aldar. Maxima er í örri þróun um þessar mundir og er orðið þægilegt í notkun. Athugið sérstaklega Xmaxima grafíska yfirborðið, eða Maxima "setu" (e. session) í TeXmacs (WYSIWYG-ritill fyrir LaTeX).
  Ég kann líka mjög vel við wxMaxima grafíska yfirborðið á Maxima. Í því eru flestar skipanir Maxima geranlegar með því að fylla út reiti, og þá þarf minna að muna um "málfræðina".
• LaTeX er setningarforrit fyrir venjulegan texta og stærðfræðitexta. PostScript-myndir línurita og teikninga (.ps eða .eps) úr Gnuplot eða MatLab eru tilvaldar til þess að heilda inn í LaTeX-skjöl. LaTeX er frjálst forrit fyrir öll stýrikerfi. Úr LaTeX-skjölum er hægt að gera PosScript-skrá til prentunar eða PDF-skrá til sendingar. Forprentabankar fyrir vísinda- og verkfræðigreinar nota LaTeX og flest tímarit í eðlis- stærð- og verkfræði taka við greinum á LaTeX-hami. Lengi vel var ég ánægður með að nota ritil eins og XEmacs eða kate úr KDE ásamt skipanalínu, en kile er þægileg grafísk skel fyrir LaTeX-vinnslu sem ég nota æ oftar. Sumir yngri vina minna vilja ekkert nema fullkomið WYSIWYG grafískt kerfi ofan á LaTeX, eins og Lyx eða TeXmacs.
• Með LaTeX-inu nota ég alltaf BiBTeX til þess að sjá um tilvitnanir. Til er grafískt forrit "bibview" til þess að bæta við tilvitnunum í BiBTeX-gagnabankann, en miklu öflugra er Java-forritið JabRef til þess. Það gengur á öll stýrikerfi og býður ýmsa skemmtilega möguleika við vinnu með tilvitnanabankann. Mörg tímarit um eðlis- og stærðfræði bjóða tilvitnanir tilbúnar beint í BiBTeX.
• Xfig er frjálst teikniforrit fyrir Linux, það getur tekið inn myndir. Skjölum úr því má breyta á næstum hvaða ham sem er.
• Í Linux kemur með frjálsa forritinu ImageMagick forritið convert sem nota má til þess að skipta um ham mynda á skipanalínu. Hér eru nokkur dæmi:
  • "convert mynd.eps mynd.jpg"
  • "convert mynd.png mynd.eps"
  • "convert skjal.ps skjal.pdf"
  • "convert -geometry 50% mynd.jpg mynd_mini.jpg"
  • "convert -density 300x400 mynd.eps mynd.png"
Forritið ræður við flesta þekkta hami og býður upp á fjölda valmöguleika sem fjallað er um á vefsíðu ImageMagick.
• Í Linux eru flest grafísk forrit með frjálsa PDF-vistun og á skipanalínu er hægt að breyta PostScript-skjali í PDF-skjal með "ps2pdf skjal.ps skjal.pdf". Óstaðlað WinXX PostScript skjal má oft lagfæra með "fixps skjal.ps > skjal_OK.ps".
• Í Linux og öllum öðrum algengum stýrikerfum er frjáls skrifstofu vöndull OpenOffice vel samhæfður við MS-vöndulinn. OpenOffice vistar skjöl á stöðluðum hami (OASIS Open Document Format).
• Gimp er frjást öflugt myndvinnsluforrit fyrir öll stýrikerfi.
• Ogg Vorbis býður opin tónlistarstaðal í stað MP3 fyrir öll stýrikerfi og marga spilara.

• Ég nota aðeins LINUX, frjálst "UniX" fjölnotenda stýrikerfi fyrir pésa og makka með X-gluggakerfi. Frábært framtak sem hefur sannað gildi sitt. Kerfið er netlægt. Samskiptastaðlar eru hannaðir inn í grunn þess þannig að skrákerfi og grafísk vinnsla eru ekki bundin við eina vél. Athugið örugg dulkóðuð samskipti með "ssh", "scp", "rsync" og "fish" í Konqueror.
• KDE, Taktu völdin á skjáborðinu!
  Ég er alinn upp við skipanalínu og minimalisma, en leyfi mér allan grafískan munað sem KDE býður uppá. "Kontact" með "imap" er frábær fyrir póstinn og dagatalið. "Konqueror" er vafri og skráaumsjónarkerfi sem leyfir grafíska vinnslu með þjöppuð og/eða dulkóðuð skráasöfn. UTF-8 stafataflan sem KDE styður býður upp á skjöl með öllum stafrófum og táknkerfum jarðarinnar.
• Vel uppsett Linux-dreifing fyrir þá sem ekki eru innvígðir í kerfisstjórn. Handhæg grafísk stjórnunartól. Ef þið notið OpenSuSE þá eru mikilvægar upplýsingar hjá openSUSE-Community.org um ýmsar aukastillingar.